Barcha nigohlar yevroning yaqinda ko'rsatgan mustahkamligi davom etadimi-yo'qligiga qaratilgan.
28.03.2023
- Angliya banki gubernatori Beylining bayonotlari
- Richmond Fed ishlab chiqarish indeksi
Kecha AQSh valyuta savdosida AQSh dollari yevroga nisbatan zaiflashdi, EUR/USD juftligi 1,0745 dan 1,0819 gacha biroz ko'tarildi. To'rt soatlik grafikda EUR/USD juftligi 75 davrli harakatlanuvchi o'rtachadan qo'llab-quvvatlanib qaytdi. Kunlik grafikda esa juftlik uch karra past nuqta hosil qilgach, 200 davrli eksponensial harakatlanuvchi o'rtacha uni qo'llab-quvvatladi; shuning uchun AQSh dollarining pasayishi biroz davom etadimi-yo'qligini kuzatishimiz kerak.
Kecha Germaniyaning mart oyiga oid IFO Biznes Iqlimi indeksi oldingi oygi 91,1 dan 93,3 ga ko'tarilgani e'lon qilinishi ortidan yevro yen qarshisida qimmatlashdi.EUR/JPY juftligi 140,535 dan 142,213 gacha ko'tarilib, soatlik grafikdagi 200 davrli oddiy harakatlanuvchi o'rtacha (SMA)dan yuqoriga chiqdi. To'rt soatlik grafikda juftlik pastroq darajalarda qo'llab-quvvatlash topib, ikki past nuqtani hosil qilayotgandek ko'rinadi. Kunlik grafikda esa 200 davrli eksponensial harakatlanuvchi o'rtacha (EMA)dan biroz pastroqda kurasht davom etmoqda, shuning uchun AQSh savdo soatlari davomida valyuta kuchiga diqqat bilan nazar solamiz.
Bugun, soat 17:45 da Angliya banki gubernatori Endryu Beyli va Angliya banki gubernatorining o'rinbosari Endryu Remsdenning bayonotlari; soat 21:30 da AQSh ulgurji ombor zaxiralari;soat 22:00 da Yevropa Markaziy Banki prezidenti Lagard va Bundesbank prezidenti Nagel nutqlari hamda AQSh S&P/Case-Shiller uy narqlari indeksi; soat 23:00 da AQSh iste'molchi ishonchi indeksi, AQSh Richmond Fed ishlab chiqarish indeksi va Fed vitse-prezidenti Barr nutqi; va soat 02:00 da AQSh 5 yillik davlat qimmatli qog'ozlari auksioni.Yevroning ko'tarilayotgan kuchi davom etadimi-yo'qligini diqqat bilan kuzatamiz.
Muallif: Keisuke Sakurai
